आफ्नै पालिकामा स्वास्थ्य शाखा प्रमुखकाे पद छोडेर उपाध्यक्ष बन्नुभएका भक्तबहादुर

जनपत्र
७ जेष्ठ २०७९, शनिबार १४:५२

दाङ – भर्खरै सम्पन्न पालिका तहकाे चुनावअघि दाङको बंगलाचुली गाउँपालिका स्थास्थ्य शाखा प्रमुख रहनुभएका भक्तबहादुर जिसी अहिले त्यही पालिकाकाे उपाध्यक्ष्य बन्नुभएकाे छ ।उहाँ अधिकृतको जागिर छोडेर राजनीतिमा लाग्नु भएकाे छ ।

भक्तबहादुर जिसी बैशाख ३० गते सम्पन्न पालिका तहको चुनावबाट उपाध्यक्षमा निर्वाचित जनप्रतिनिधि हुनुहुन्छ । ५ हजार ९ सय ४५ मतका साथ गठबन्धनमा नेपाली कांग्रेसबाट उपाध्यक्षमा निर्वाचित जिसी अब भने सबैका साझा व्यक्ति बन्नु भएको छ । जिसी यसअघि स्वास्थ्य क्षेत्रका कर्मचारी हुनुहुन्थ्यो । अधिकृत छैठौँ स्तरका जिसी अहिले राजनीतिमा प्रवेश गर्नुभएको छ । नागरिकका साझा समस्यालाई समाधान गर्नका लागि आफू राजनीतिमा आएको उहाँ बताउनुहुन्छ ।

नीति कार्यान्वयन तहमा रहेका जिसी अहिले आफैं नीति निर्माण तहमा पुग्नुभएकाे हाे । स्वास्थ्य क्षेत्रबाट जनप्रतिनिधिमा पुग्नुभएका बंगलाचुली गाउँपालिकाका जिसीले आफ्नो ठाउँलाई सुन्दर र समृद्ध बनाउने योजना अघि सार्नु भएकाे छ ।

यसमा तपाइको मत

Your email address will not be published. Required fields are marked *


*