दार्चुलाको अपिहिमाल गाउँपालिका अध्यक्षमा माओवादी र उपाध्यक्षमा कांग्रेसकाे जित
काठमाण्डाै – दार्चुलाको अपिहिमाल गाउँपालिकाको अध्यक्षमा माओवादी केन्द्र र उपाध्यक्षमा कांग्रेसका उम्मेदवार विजयी भएका छन् ।
सत्ता गठबन्धनको तर्फबाट उम्मेदवार बन्नुभएका माओवादीका उम्मेदवार भगतसिंह ठेकरेले दुई हजार तीन सय चार मत ल्याएर विजयी हुनुभयो । उहाँका प्रतिस्पर्धी एमालेका धर्मानन्द मन्यालले नौ सय १९ मत प्राप्त गर्नुभयो । यस्तै उपाध्यक्षमा गठबन्धनबाट कांग्रेस उम्मेदवार देबकी बोहोरा दुई हजार २७ मत मतसहित विजयी हुनुभयो । उहाँका प्रतिस्पर्धी एमालेकी उर्मिला बोहोराले एक हजार तीन सय ११ मत प्राप्त गर्नुभयो ।
