हेटौंडा उपमहानगरपालिकाको मतगणना सुरु, वडा नम्बर–१ को मतगणना जारी
हेटौंडा । हेटौंडा उपमहानगरपालिकाको मतगणनाको काम सुरु भएको छ । आज बिहानबाट मतगणना सुरु गरिएको हो । हेटौंडाको वडा नम्बर १ बाट मतगणना सुरु गरिएको मकवानपुरका मुख्य निर्वाचन अधिकृत डिल्लीरत्न श्रेष्ठले जानकारी दिनुभयो । अब हेटौंडा–२, १८ र १९ को मतगणना पनि तत्काल सुरु गर्ने तयारी रहेको उहाँले बताउनुभयो । हेटौंडाको शिद्धार्थ माध्यमिक बिद्यालयको भवनमा मतगणना सुरु गरिएको हो । हिजोनै मतपेटीकाहरु आएकाले आ बिहानबाट मतगणना सुरु गरिएको हो ।
कुल १ लाख ४ हजार ४ सय ७३ मतदाता रहेको हेटौंडामा ७३ हजार ४ सय १४ मत खसेको थियो । तीमध्ये हाल हेटौंडा उपमहानगरपालिका वडा नम्वर १ को मतगणना सुरु भएको मुख्य निर्वाचन अधिकृतको कार्यालय हेटौंडाले जनाएको छ ।
