मकवानपुरको ३६५ मतदान केन्द्रमा कर्मचारीलाई भ्याइनभ्याइ
हेटौंडा । मकवानपुर जिल्लामा बिहानै देखि निर्वाचनमा खटिएका कर्मचारीहरुलाई भ्याइनभ्याइ भएको छ । आफ्ना मतदान केन्द्रहरु हिजोनै तयार गरेको भएपनि आज बिहान ७ बजेबाट मतदान भएकाले पनि भ्याइनभ्याइ भएको हो । बेलुका ५ बजे सम्म भ्याइनभ्याइ हुने शिद्धार्थ माबिमा खटिनु भएका मतदान अधिकृत विष्णु कुमारी लामिछानेले बताउनुभयो । जिल्लाका दश वटै मतदान केन्द्रमा मतदान कसरी निस्पक्ष रुपमा सम्पन्न गर्ने भन्ने दौडधुपमा कर्मचारीहरु लागिपरेका हुन् ।
धेरै कर्मचारीले खाना,खाजा त परको कुरा भनेको समयमा पानी खानका लागि नपाएको गुनासो गरेका छन् । जिल्लाका दश वटा स्थानीय तहमा रहेका १ सय २ वटा वडाहरुमा १ सय ६५ स्थानमा ३ सय ६५ वटा मतदान केन्द्र छन् । ती मतदान केन्द्रहरुमा एक हजार ८ सय कर्मचारी खटाइएको मुख्य निर्वाचन अधिकृतको कार्यालय हेटौंडाले जनाएको छ । कर्मचारीहरुले मतदानको काम सकाएर मतपेटीका निर्वाचन अधिकृतको कार्यालयमा नबुझाउनजेल सम्म यस्तै समस्या हुने छ ।
