मनहरीबाट ६० केजी गाँजा बरामद, भरिया फरार
हेटौंडा । मकवानपुरको मनहरी गाउँपालिका वडा नम्बर–६ बाट प्रहरीले वेवारीसे अवस्थामा रहेको लागूऔषध गाँजा ६० केजी बरामद गरेको छ । गाँजा बोक्ने भरीया भने फरार भएका छन् ।
प्रहरी निरीक्षक प्रकाश थापाको कमाण्डमा ईलाका प्रहरी कार्यालय मनहरी र प्रहरी चौकी सुनाचुरीबाट संयुक्त रुपमा खटिएको प्रहरी टोलीले गस्ती गर्दै जाने क्रममा पुर्व पश्चिम लोकमार्ग सडकखण्डमा शंकास्पद अबस्थामा ६० केजी गाँजा बरामद गरेको हो ।
पिढ्युमा बोरा बोकी हिडिरहेको अवस्थामा गस्ती टोलीलाई देख्नसाथ बोरा फाली भागेकोमा उक्त बोरा खोली हेर्दा लागुऔषध गाँजा ६० किलो बरामद गरिएको प्रहरीले जनाएको छ । लागुऔषध गाँजा ओसारपसारमा संलग्न व्यक्तिहरुको खोजतलास कार्य भईरहेको प्रहरीले जनाएको छ ।
