हेटौंडाको रातोमाटेबाट ३० किलो गाँजासहित दुई जना पक्राउ
मकवानपुर। मकवानपुर प्रहरीले ३० किलो ५०० ग्राम अवैध लागूऔषध गाँजा दुई जनालाई पक्राउ गरेको छ ।
पक्राउ पर्नेमा धनुषा नगराईन नगरपालिका-२ बस्ने ३४ वर्षीय सुबोध मण्डल र पर्सा पटेरवा सुगौली गाउँपालिका-३ बस्ने ३९ वर्षीय मुकेश राउत थारु रहेका छन् । उनीहरुलाई हेटौंडा उपमहानगरपालिका-१५ रातोमाटेबाट शुक्रबार बिहान प्रहरीले पक्राउ गरेको हो ।
उनीहरुको साथबाट प्रहरीले जाँच गर्ने क्रममा ३ वटा पोकामा गरी ३० किलो ५ सय ग्रामलागु औषध बरामद गरेको छ ।
पक्राउ परेका उनीहरुमाथि आवश्यक अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
