एभीसी सेन्ट्रल जोन भलिबल : नेपाली महिला टोलीकाे लगातार दोस्रो जित
काठमाण्डाै – एभीसी सेन्ट्रल जोन भलिबल च्याम्पियनसिपमा नेपाली महिला टोलीले लगातार दोस्रो जित निकालेको छ ।
बङ्गलादेशको ढाकामा आज माल्दिभ्सलाई ३–० को सोझो सेटमा पराजित गर्दै नेपालले लगातार दोस्रो जित निकालेको हो ।
साविक विजेतासमेत रहेको नेपालले माल्दिभ्समाथि २५–११, २५–९ र २५–५ सेटमा जित निकालेको हो ।
लगातार दुई खेलमा जित निकालेसँगै नेपालले फाइनल पुग्ने सम्भावना कायम राखेको छ ।
नेपालले पहिलो खेलमा हिजो श्रीलङ्कालाई ३–२ को सेटमा हराएको थियो । अब नेपालले तेस्रो खेलमा भोलि बङ्गलादेशसँग प्रतिस्पर्धा गर्नेछ ।
यस्तै बेलुका पौने ५ बजे पुरुष टोलीले उज्बेकिस्तानसँग प्रतिस्पर्धा गर्नेछ ।
