हेटौंडा–८ को ओम सामुदायिक मदन मार्गमा स्लाब ढलानको शिलान्यास
हेटौंडा । हेटौंडा उपमहानगरपालिका वडा नम्बर–८ ओम सामुदायिक मदन मार्गमा स्लाब ढलानको शिलान्यास गरिएको छ । उपमहानगरपालिकाका मेयर हरि बहादुर महतले स्लाब ढलानको शिलान्यास गर्नुभयो । कुल ४१ लाख २५ हजार रुपैयाँ लागतमा स्लाब ढलान निर्माणको काम सुरु गरिएको मेयर महतले बताउनुभयो ।
टोलटोलमा बिकासका कामलाई तिब्रता दिने अभियान अनुसार काम भएको उहाँको भनाई छ । साढे चार वर्षको अवधिमा धेरै कच्ची सडकलाई पक्की निर्माण गरिएको र यो अभियानलाई अझै तिब्रता दिइएको मेयर महतले बताउनुभयो ।
