गणपति बचत तथा ऋण सहकारी संस्थाको १० औं वार्षिक साधारणसभा
हेटौंडा । गणपति बचत तथा ऋण सहकारी संस्था लिमिटेड मकवानपुरको १० औं वार्षिक साधारण सभा आज भैसेमा भएको छ । साधारणसभाको उद्घाटन् गर्दै हेटौंडा उपमहानगरपालिकाका मेयर हरि बहादुर मतले सकारीले गर्दा आर्थिक क्षेत्रमा निकै परिवर्तन आएको बताउनुभयो । सहकारीले पैसा बचत गर्ने र ऋण परिचालन गर्ने मात्र भन्दा पनि रोजगारी सृजनागर्नका लागि काम गरिनुपर्ने बताउनुभयो ।
सहकारीका कारण थोरै रकमका लागि बैक सम्म धाउनुपर्ने बाध्यता हटेको मेयर महतले बताउनुभयो । कार्यक्रममा बागमती प्रदेश युवा परिषद्का उपाध्यक्ष सन्तोष चौलागाई, हेटौंडा–६ का वडा अध्यक्ष अर्जुन प्रसाद चौलागाई लगायतकाको आतिथ्यता रहेको थियो ।
