अपडेट: २२ सय मत गणना हुँदा सभापतिमा देउवाको अग्रता कायमै
नेपाली कांग्रेस १४औं महाधिवेशनअन्तर्गत सभापति पदको मत गणना जारी छ। पछिल्लो परिणाम अनुसार सभापतिका प्रत्यासी शेरबहादुर देउवाले मतान्तर बढाउँदै लगेका छन्। २२ सय ६ भोट भोट गनिसक्दा सभापतिमा देउवाले अग्रता बढाउँदै लगेका हुन्।
हाल देउवाले १०५१ मत ल्याउँदा उनका निकटतम प्रतिद्वन्द्वी शेखर कोइरालाले ७९३ मत ल्याएका छन्। त्यसैगरी प्रकाशमान सिंहको २०४, विमलेन्द्र निधिको १७४ तथा सभापतिका अर्का प्रत्यासी कल्याण गुरुङले १० मत पाएका छन्।
काठमाडौंको भृकुटीमण्डपस्थित राष्ट्रिय सभा गृहमा सभापति पदको मतगणना जारी छ। मतगणना सुरु भएको ३ घण्टाभित्र सभापति पदको परिणाम सार्वजनिक हुने कांग्रेसको केन्द्रीय निर्वाचन समितिका अधिकारीहरुले बताएका थिए।
