कालीकाेटमा ट्रक दुर्घटना हुँदा एक जनाको ज्यान गयाे

जनपत्र
१३ मंसिर २०७८, सोमबार १२:२९

कालीकोट – कालीकाेटकाे नरहरिनाथ गाउँपालिका-१ निलाखामा ट्रक दुर्घटना हुँदा एक जनाको ज्यान गएकाे छ । एक जना घाइते भएका छन् ।

सिमेन्ट र डिजेल बाेकेर जितेगडाबाट नरहरिनाथ गाउँपालिकाको सुनथराली विमानस्थलतर्फ जाँदै गरेको बा ५ ख ४६४३ नम्बरको ट्रक दुर्घटना भएको हो ।

दुर्घटनामा परि ट्रक चालक नरहरिनाथ-१ का जयबहादुर विष्टकाे ज्यान गएकाे कालीकोटका डीएसपी सिद्धराज न्यौपानेले बताउनु भयो ।

दुर्घटनामा घाइते भएका नेत्रबहादुर विष्टलाई  उपचारका लागि जिल्ला सदरमुकाम ल्याउने तयारी भइरहेको न्यौपानेले बताउनु भयो ।

यसमा तपाइको मत

Your email address will not be published. Required fields are marked *


*