राक्सिराङमा एउटा एक्साभेटरमा आगजनी, दुइवटामा तोडफोड
हेटौंडा । मकवानपुरको राक्सिराङमा एउटा एक्साभेटरमा आगजनी गरिएको छ । अरु दुइवटा एक्साभेटरमा तोडफोड गरिएको छ । हेटौंडाको ऋद्धिसिद्धि सिमेन्ट उद्योगको राक्सिराङ गाउँपालिका वडा ४ गिंगु खानीमा एउटा एक्साभेटरमा आगजनी भएको छ भने २ वटामा तोडफोड भएको जिल्ला प्रहरी कार्यालय मकवानपुरले जनाएको छ।
मोतिदान कन्स्ट्रक्सन सेवा प्रालिको भवन अगाडि पार्किमा रहेको ३ वटा एक्साभेटर मध्ये प्रदेश ३–०१–००३ बा ५७३४ नम्बरको एक्साभेटरमा आगजनी हुदा पूर्णरूपमा क्षति भएको छ।
त्यसैगरी पार्किङ गरेको बा २ क ५८९ र बा ३ क ६९७ नम्बरको एक्साभेटरमा तोडफोड भएको प्रहरीले जनाएको छ । आगजनी र तोडफोड कस्ले गर्यो भन्नेबारे अनुसन्धान भइरहेको छ ।
