सुन चाँदीको भाउ आज पनि बढ्यो
काठमाण्डाै – हप्ताको पहिलो दिन आज पनि सुनको भाउ बढेको छ ।
आज सुनको भाउ तोलामा दुई सय रुपैयाँले बढेर ९४ हजार ६ सय रुपैयाँमा पुगेको नेपाल सुन चाँदी व्यवसायी महासङ्घले जनाएको छ ।
अस्ति शुक्रवार पनि सुन तोलामा चार सय रुपैयाँले बढेको थियो । यस्तै, चाँदीको भाउ आज पनि बढेको छ ।
चाँदी आज तोलामा १२ सय ९५ रुपैयाँमा पुगेको छ । यो भाउ अस्ति शुक्रवारकाे भन्दा २५ रुपैयाँले महँगो हो।
