सल्यानबाट दाङ जाँदै गरेकाे बस दुर्घटना हुँदा ९ जनाकाे ज्यान गयाे
सल्यान – सल्यानबाट दाङको तुलसीपुर जाँदै गरेको ना २ ख २५५२ नम्बरको यात्रुवाहक बस कपुरकोटको खारखोला नजिक दुर्घटना हुँदा नाै जनाको ज्यान गएकाे छ ।
जिल्ला प्रहरी कार्यालयका प्रहरी नायब उपरीक्षक (डीएसपी) गोविन्द थापाका अनुसार घटनास्थलबाट उद्धार गरिएका र घटनास्थलमै गरी नाै जनाको ज्यान गएकाे हाे । बसमा कम्तीमा ३० यात्रु रहेका अनुमान गरिएको छ। बस सडकबाट दुई सय मिटर तल खसेको बताइएको छ ।
अहिले पनि उद्धार जारी रहेको र मृतकका सनाखत हुन बाँकी रहेकाे जनाइएको छ । दुर्घटनाबारे थप विवरण आउन बाँकी छ ।
