हेटौंडामा ट्याक्टरले अटोलाई ठक्कर दिँदा एकको मृत्यु
हेटौंडा – मकवानपुरको हेटौंडा उपमहानगरपालिका–८ मनकामना चोकमा ट्याक्टरको ठक्करबाट अटो रिक्सामा सवार एक जनाको मृत्यु भएको छ ।
मृत्यु हुनेमा स्थानिय ४५ वर्षीय पदमबहादुर विक रहेका छन् । मंगलबार बेलुका सवा आठ बजे फारलाइनबाट मनकामना चोकतर्फ जाँदै गरेको ना ३ त ३६६८ नम्बरको ट्याक्टरले विपरीत दिशाबाट आउँदै गरेको ना २ ह ५८६५ नम्बरको अटो रिक्सालाई ठक्कर दिंदा विक गम्भिर घाईते भएको जिल्ला प्रहरी कार्यालय मकवानपुरले जनाएको छ ।
विकको चुरे हिल अस्पतालमा उपचारको क्रममा मृत्यु भएको प्रहरीले जनाएको छ । दुर्घटनामा रिक्सा चालक भने सकुशल छन् । दुबै सवारीका चालक प्रहरीको नियन्त्रणमा रहेको छ ।
