महाकाली नदीकाे बाढीमा फसेका पाँच जना रुखमा, उद्धारकाे पर्खाइमा

s~rgk'/, @ sflQsM dxfsfnLsf] af9Ln] Iflt k'¥ofPsf] ;8s nuftf/sf] jiff{kl5 dxfsfnL gbLdf cfPsf] af9Ln] s~rgk'/sf] eLdbQ gu/kflnsf–!@ cf]bfnLl:yt lgdf0ff{wLg rf/ n]gsf] k'n;Fu} ag]sf] ^ n]gsf] ;8sdf k'¥ofPsf] Iflt . af9Ln] sfnf]kq] ul/Psf] ;8s aufpg'sf ;fy} t6Lo If]qdf hf]lvd a9]sf] 5 . tl:a/M z]/axfb'/ l;+x÷/f;;

कञ्चनपुर – भीमदत्त नगरपालिका–९ मुसेट्टिका महाकाली नदीका बाढीमा फसेका एकै परिवारका पाँच जना उद्धारको पर्खाइमा छन् ।

हिजाे सोमवार राति घर नजिकैको कुखुराको खोर हेरालाका रूपमा गएका पुष्कर, वसन्ती, अशोक र अजय नायक र  दीर्घमती खड्का बाढीमा फसेका जनाइएको छ ।

स्थानीय बासिन्दाका अनुसार उनीहरू बाढीबाट जोगिन रुखमा बसेका छन् । बाढीमा फसेका परिवारको उद्धारका लागि बीओपी खल्ला र ब्रह्मदेवबाट सशस्त्र प्रहरीको टोली त्यसतर्फ गएको छ । बाढीका कारण बाटोको ठाउँ–ठाउँमा अवरोध हुँदा उद्धार टोली पुग्न ढिलाइ भएको छ ।

यसैबीच दोधारा चाँदनी–१० कुतियाकभरमा रहेकाे सशस्त्र प्रहरीको अस्थायी क्याम्पमा पानी पसेको छ । क्याम्पमा पानी पसेपछि सशस्त्र प्रहरी नजिकैको विद्यालयमा सरेको छ ।

सुकाएको धान बगायो  

लगातारको वर्षाका कारण लालझाडी गाउँपालिका क्षेत्रका किसानले काटेको धान पूरै बगेर क्षति भएको छ । अत्यधिक वर्षाका कारण खेतमा काटेको धान दोदा नदीमा बगेर गएपछि स्थानीय किसान मर्कामा परेका छन् ।

नन्दगाउँ, कस्वा, विनावारी, नौरङ्गा, विचवालगायत क्षेत्रका किसानले खेतमा काटेको धान पूरै बगेर गएपछि करोडौँको क्षति भएको गाउँपालिकाका अध्यक्ष मदनसेन वडायकले जानकारी दिनुभयो ।