२१ जिल्लामा कोरोनाका पाँच सय बढी सक्रिय संक्रमित

जनपत्र
३१ श्रावण २०७८, आईतवार १७:५३

देशभर हाल २१ वटा जिल्लामा कोरोनाका पाँच सय बढी सक्रिय संक्रमित रहेका छन्। पाँच वटा प्रदेशमा गरी २१ वटा जिल्लामा कोरोना पाँच सय बढी सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ। प्रदेश १ को ३, बागमतीको ९, गण्डकीको ५, लुम्बिनीको २ र कणरलीको एक वटा वटा जिल्लामा पाँच सय बढी सक्रिय संक्रमित छन्।

प्रदेश १ को मोरङ, सुनसरी र झापा, बागमती प्रदेशको काठमाडौं, भक्तपुर, ललितपुर, चितवन, मकवानपुर, काभ्रेपलाञ्चोक, दोलखा, सिन्धुपाल्चोक र नुवाकोट, गण्डकी प्रदेशको नवलपरासी पूर्व, कास्की, बागलुङ, गोरखा, स्याङजा र तनहुँ, लुम्बिनीको दाङ र रुपन्देही र कणरलीको प्रदेशको सुर्खेतमा पाँच सय बढी सक्रिय संक्रमित रहेको मन्त्रालयले जनाएको छ।

यस्तै १६ वटा जिल्लामा भने २ सयभन्दा बढी सक्रिय संक्रमित रहेका छन्। यो सूचीमा धनकुटा, धनुषा, बारा, सप्तरी, सिरहा, धादिङ, सिन्धुली, रामेछाप, लमजुङ, पर्वत, पाल्पा, बाँके, बर्दिया, जुम्ला, कैलाली र कञ्चनपुर छन्। गत २४ घण्टामा देशभर २ हजार २१२ जना नयाँ सक्रमित थपिएका छन्। देशभर हाल सक्रिय संक्रमितको संख्या ३९ हजार २९८ पुगेको मन्त्रालयले जनाएको छ।

यसमा तपाइको मत

Your email address will not be published. Required fields are marked *


*