ओली सरकारले ९७ लाख डोज ल्याएर ४२ लाखलाई मात्रै खोप दिएको थियो : स्वास्थ्य राज्यमन्त्री श्रेष्ठ

जनपत्र
२८ श्रावण २०७८, बिहीबार १४:५८

काठमाण्डाै – स्वास्थ्य तथा जनसङ्ख्या राज्यमन्त्री उमेश श्रेष्ठले सरकारले कोरोनाविरुद्धको खोपको आयात, भण्डारण र वितरणलाई अभियानका रूपमा सञ्चालन गरिरहेको बताउनुभएको छ ।

प्रतिनिधि सभाको बैठकमा राज्यमन्त्री श्रेष्ठले नेपाली नागरिकलाई पाँच करोड ५० लाख डोज खोप चाहिने भएकाले सरकारले नागरिकको जीवन रक्षालाई ध्यान दिएर नै प्राथमिकता दिएर काम थालेको जानकारी दिनुभयो ।

केपी शर्मा ओली नेतृत्वको सरकारका पालामा नेपालमा ९७ लाख डोज खोप आएको र ४२ लाख नागरिकलाई लगाइएकोमा अहिले सरकारले थप ७५ लाख डोज खोप लगाएको राज्यमन्त्री श्रेष्ठले बताउनुभयो । असोज मसान्तसम्म एक करोड आठ लाख डोज खोप प्राप्त हुनेछ । ३३ प्रतिशत नागरिकलाई खोप लगाउने योजना र लक्ष्य रहेको राज्यमन्त्री श्रेष्ठले बताउनुभयो ।

सरकारले खोपलाई अभियानका रूपमा सञ्चालन गरेर हरेक दिन डेढदेखि दुई लाख जनालाई लगाइरहेको उहाँले बताउनुभयो । आर्थिक क्षेत्र चलायमान गराउनुपर्ने भएकाले अबको प्राथमिकता आर्थिक क्षेत्र र मजदुरमा केन्द्रित रहने राज्यमन्त्री उमेश श्रेष्ठले बताउनुभयो । जनघनत्व र सङ्क्रमण धेरै भएका ठाउँमा खोपको विशेष व्यवस्था गरिने उहाँले जानकारी दिनुभयो ।

यसमा तपाइको मत

Your email address will not be published. Required fields are marked *


*