अफगानिस्तानबाट सेना फिर्ता बाेलाएर कुनै पछुतो भएकाे छैन : बाइडेन

जनपत्र
२७ श्रावण २०७८, बुधबार १३:१८

काठमाण्डाै – अमेरिकी राष्ट्रपति जो बाइडेनले अफगानिस्तानबाट अमेरिकी सेना फिर्ता लगेकोमा कुनै पछुतो नभएको बताउनुभएको छ ।

अफगानिस्तानको प्रान्तीय राजधानीमा विद्रोही समूह तालिबानले लगातार कब्जा जमाउँदै गइरहेका बेला अमेरिकी राष्ट्रपति बाइडेनको यस्तो प्रतिक्रिया आएको हो । राष्ट्रपति बाइडेनले अफगानिस्तानका नेतालाई एकजुट हुँदै आफ्नो राष्ट्रका लागि लड्न आग्रह गर्नुभएको छ । २० वर्षको सैन्य अभियानपछि अमेरिकी नेतृत्वको सेना स्वदेश फर्किएसँगै तालिबानले अफगानिस्तानमा आक्रमण बढाएको छ ।

राष्ट्रपति बाइडेनले अफगानिस्तानबाट आफ्ना सेना फिर्ता गरे पनि अमेरिकाले दिँदै आएको आर्थिक सहयोग तथा खद्यान्न र सैन्य सामग्रीको सहयोगलाई निरन्तरता दिने बताउनुभएको छ । अमेरिकी सेना फिर्ता भएपछि अफगानिस्तानमा भएको संघर्षमा १ हजारभन्दा धेरै नागरिक तथा बालबालिकाको ज्यान गएको संयुक्त राष्ट्र संघले जनाएको छ ।

यसमा तपाइको मत

Your email address will not be published. Required fields are marked *


*