बसपार्कमा फूलका बिरुवा रोपियो
हेटौंडा / हेटौंडा उपमहानगरपालिकाले यहाँका मुख्य सडकहरुमा फूल रोप्ने अभियान अनुसार आज बसपार्क क्षत्रमा फूल रोपिएको छ । बजार क्षेत्रलाई फूलै फूलको शहरका रुपमा बिकसित गर्ने अभियान अनुसार आज बसपार्क क्षेत्रमा २ सय २१ वटा बिभिन्न जातका फूलका बिरुवा रोपिएको हो ।
फूल रोपेर आजको कार्यक्रमको उध्घाटन् हेटौंडा उपमहानगरपालिकाका मेयर हरिबहादुर महतले गर्नुभयो । हेटौंडालाई फूलैफूलको शहरका रुपमा बिकाश गर्नका लागि आफुहरु लागिपरेको मेयर महतले बताउनुभयो । आज बसपार्कमा गुलमोड, निलगाई, रातो पाटे लगायतका बिरुवा रोपिएको हो । कार्यक्रममा हेटौंडा १० का वडाअध्यक्ष किताबसिङ लामा, उपमहानगरपालिका अधिकृत धुर्बकहादुर भूजेल लगायतकाको उपस्थिति रहेको थियो ।
