घरमा अक्सिजनकाे सिलिन्डर थुपारेर नराख्न सरकारको आग्रह

जनपत्र
१६ बैशाख २०७८, बिहीबार ०९:२१

काठमाण्डौ – सरकारले घरमा अक्सिजन नराख्न आग्रह गरेको छ।

स्वास्थ्य तथा जनसङ्ख्याका मन्त्रालयका सहप्रवक्ता डा समिरकुमार अधिकारीले अक्सिजन ओसार्ने  सिलिन्डर सीमित भएकाले अक्सिजनको सिलिन्डर घरमा थन्किँदा एक ठाउँबाट अर्को ठाउँमा लैजान समस्या हुने बताउनु भएकाे हाे ।

घरमा अक्सिजन नराख्न बरु कोरोना सङ्क्रमण भएर घरमै आइसोलेशनमा बस्दा अक्सिजनको मात्रा घटेजस्तो लागेमा, श्वास फेर्न गाह्रो भएमा नजिकैको स्वास्थ्य संस्था वा अस्पतालमा गएर परामर्श लिन उहाँको सल्लाह छ ।

अहिले नै अक्सिजनको अभाव हुने अवस्था आइनसकेकाले चिन्तित भइहाल्नुपर्ने अवस्था नभएको र जनस्वास्थ्यको मापदण्डको पालना गर्दै जाने हो भने डराउन नपर्ने उहाँले बताउनुभयो ।

काठमाण्डौ उपत्यकाभित्र ११३३ मा चौबीसै घण्टा फोन गरेर एम्बुलेन्स बोलाएर नजिकै रहेको अस्पतालमा स्वास्थ्य जाँच गराउन सकिन्छ भने काठमाण्डौ बाहिर पनि तोकिएको ठाउँबाट जानकारी लिन सकिने स्वास्थ्य मन्त्रालयले जनाएको छ ।

यो समाचार हामिले उज्यालो अनलाइनबाट साभार गरेका हौं ।

यसमा तपाइको मत

Your email address will not be published. Required fields are marked *


*