मकवानपुरका दुइ स्थानमा भएका दुर्घटनामा चार जना घाइते
हेटौंडा । मकवानपुरको ईन्द्रसरोबर गाउँपालिका वडा नम्बर– १ चित्लाङ भेडाफार्म नजिक ढुङ्गा बोकेको टिपर दुर्घटना हुँदा २ जना घाइते भएका छन। सोमबार राति ढुंगा बोकेर भेडाफार्म तर्फ आउँदै गरेको बा ५ ख ५२०५ नम्बरको टिपर आफै ब्याक भइ दुर्घटना हुँदा दुइजना घाइते भएको मकवानपुर प्रहरीले जनाएको छ।
घाइते हुनेमा टिपर चालक सोही गाउँपालिका बस्ने ३० बर्षीय अरुण वाईवा र टिपरमा सवार थाहानगर ५ का अन्दाजी १५ बर्षीय जिवन घलान रहेको जनाइएको छ। घाइते दुबैलाई थप उपचारका लागि काठमाडौं पठाइएको बुझिएको छ।
यसैगरी सोमबार राति कान्तिलोकपथ अन्तर्गत हेटौंडा ७ न्युरेनिमा तिब्र गतिमा हुइकेको बोलेरो जिप दुर्घटना हुँदा चालक र सहचालक घाइते भएका छन। चौघडाबाट हेटौंडा बजार तर्फ जादै गरेको ग २ च २२८३ नम्बरको बोलेरो जिप अनियन्त्रित भई आफै दुर्घटना हुँदा जिप चालक हेटौंडा–१४ का कुमार बल र सहचालक बाराको निजगढ बस्ने ३१ बर्षीय रामसिंह थिङ घाइते भएका हुन। घाइतेहरूको हेटौंडा अस्पतालमा उपचार भईरहेको प्रहरीले जनाएको छ। प्रष्टखवरबाट साभार ।
