हिउँमा चिप्लिएर भिमफेदीको गोलमोडमा टाटा सुमो दुर्घटना, एक जनाको मृत्यु
हेटौंडा । मकवानपुरको भिमफेदी गाँउपालिकाको गोलमोडमा हिउँमा चिप्लिएर टाटा सुमो दुर्घटना भएको छ । दुर्घटनामा एक जनाको मृत्यु भएको छ ।
काठमाठौबाट बिरगंज जादै गरेको ना १ ज ४१३८ नंम्बरकोे टाटा सुमो गोलमोडको मोडबाट झरेको हो । दुर्घटनामा घाइते भएका सप्तरी जिल्ला बनौली गाउँपालिका वडा नम्बर २ का ३३ वर्षिय प्रमाण्डु चौधरीको गएराती साढे ११ मृत्यु भएको हो । दुर्घनामा अन्य ४ यात्रु पनि गम्भिर घाईते छन् । घाईतेहरुलाई चुरेहिल अस्पताल हेटौंडामा उपचार भइरहेको जिल्ला प्रहरी कार्यालय मकवानपुरका प्रहरी नायब उपरिक्षक इन्द्रबहादुर रानाले वताउनुभयो ।
सिमभन्ज्याङ्ग प्रहरी, लेकाली बसिफाँटका शिक्षक नर्स र स्थानियले घाईतेहरुलाई उद्धार गरि अस्पताल पठाएका थिए । सुमो बेलुकी ८ बजेतिर दुर्घटना भएको स्थानीयहरूले बताएका छन् ।
गम्भीर घाइते हुनेमा वीरगन्ज–१३ का ३० वर्षीय मनोज साह, मनोजकी पत्नी २६ वर्षीया पुनमकुमारी गुप्ता, बारा गढीमाई–१० का ३२ वर्षीय प्रदीपकुमार साह, सर्लाही अभिलासी–७ का ३२ वर्षीय मधुकर यादव छन् । उनीहरूको हेटौंडाको चुरेहिल अस्पतालमा उपचार भइरहेको छ । सामान्य घाइते भएकाहरू डिस्चार्ज भइसकेको प्रहरीले जानकारी दिएको छ ।
हाल हेटौंडाबाट काठमाडौं आउजाउ गर्ने छोटो मार्ग भीमफेदी–कुलेखानी स्तरोन्नतिका क्रममा बन्द रहेका कारण सवारीसाधन त्रिभुवन राजपथबाट सञ्चालन भइरहेका छन् ।
