पश्चिमी वायुको प्रभाव देखिए पनि पानी पर्ने सम्भावना कम

जनपत्र
१० माघ २०७७, शनिबार १९:२२

काठमाण्डाै – नेपालमा पश्चिमी वायुको प्रभाव देखिए पनि पानी पर्ने सम्भावना भने कम देखिएको मौसमविद्ले बताएका छन् ।

मौसममा केही बदली र पश्चिम वायु भित्रिएकोले पानी पर्ने आशा बढेको भए पनि यस पटकको पश्चिमी वायुले पानी पार्ने सम्भावना निकै कम रहेको मौसमविद् वरुण पौडेलले जानकारी दिनुभयो । हिमाली क्षेत्रमा सामान्य हिमपात र उच्च पहाडी क्षेत्रमा फाट्टफुट्ट पानी परे पनि त्यो नगन्य हुने उहाँले बताउनुभयो ।

पश्चिमी वायुको प्रभावले बिहानीपख सुदूरपश्चिम, कर्णाली र गण्डकी प्रदेशका पहाडी भूभागमा आंशिकदेखि सामान्य बदली भएको भए पनि दिउँसोपखबाट मौसम खुल्दै गएको र धेरैजसो ठाउँको मौसम सफा रहेको मौसम पूर्वानूमान् महाशाखाले जनाएको छ ।

नेपालमा हिजो बेलुकी प्रवेश गरेको पश्चिमी वायु भोलिदेखी नै कमजोर हुँदै जाने महाशाखाले जनाएको छ । आज तराईका जिल्लामा लागेको हुस्सु र कुहिरो पनि दिउँसोपखबाट हटेर धेरैजसो ठाउँमा घाम लागेको छ । केही दिनदेखि दिनभर हुस्सु कुहिरो लागेको तराईका जिल्लामा आज भने दिउँसोपखबाट हुस्सु कम भएको मौसमविद् वरुण पौडेलले बताउनुभयो ।

लामो समयदेखि पानी नपर्दा किसानहरुको हिउँदे बालीमा सुख्खा लाग्नुको साथै वातारण प्रदुषण समेत बढिरहेकोले यसबेला पानी परेमा फाइदा पुग्ने मौसमविद्हरु बताउँछन् ।

यसमा तपाइको मत

Your email address will not be published. Required fields are marked *


*