हेटौंडा १८ हर्नामाडीमा दुर्घटना न्यूनिकरण सम्बन्धि सचेतना कार्यक्रम
हेटौंडा /हेटौंडा उपमहानगरपालिका वडा नम्बर १८ हर्नामाडीमा आज शुक्रवार सवारी दुर्घटना न्यूनिकरण सम्बन्धि सचेतना कार्यक्रम सम्पन्न भएको छ । प्रहरी चौकी ठूलोदमार र अस्थाई ट्राफिक प्रहरी बिट हेटौंडा १८ को संयूक्त आयोजनामा सचेतना सम्बन्धि अन्तरकृया कार्याक्रम सम्पन्न भएको हो ।
स्थानिय स्तरमा आज विभिन्न क्षेत्रका व्यक्तीहरु भेला भई सवारी दूर्घाटना न्यूनिकरण सम्बन्धि विभिन्न विषयमा छलफल भएको थियो ।
वडा अध्यक्ष अनिल बानियाँको प्रमुख आतिथ्यतामा भएको कार्यक्रममा सरोकारवालाहरुले ट्राफिक दुर्घटना न्यूनिकरणमा आफ्नो तर्फबाट सहयोग गर्ने प्रतिवद्धता व्यक्त गरेका थिए । कार्यक्रममा स्थानीय सामुदायिक वन समूहका प्रतिनिधिले आफ्नो क्षेत्रमा ट्राफिक सचेतना अभिबृद्धिका लागि ट्राफिक सन्देशसम्बन्धी बोर्ड राख्न सहयोग गर्ने जनाएका थिए ।
