असोज महिनामा मात्रै ८ हजारभन्दा धेरैले लिए विदेश जान श्रम स्वीकृति
काठमाण्डौ – असोज महिनामा मात्रै विदेश जान ८ हजारभन्दा धेरैले श्रम स्वीकृति लिएका छन् ।
सबैभन्दा धेरै खाडीका देश जान श्रम स्वीकृति लिने छन् । वैदेशिक रोजगार कार्यालयका अनुसार सबैभन्दा धेरै खाडीको देश साउदी जान मात्र एक महिनाको अवधिमा २८ सय ३१ जनाले श्रम स्वीकृति लिएका छन् भने साउदीपछि सबैभन्दा धेरै संयुक्त अरब इमिरेट्स यूएई जानका लागि २६ सय ५१ जनाले श्रम स्वीकृति लिएका छन् ।
यस्तै कतारका लागि १३ सय ५१ जनाले, खाडीकै अर्को देश बहराइनका लागि ११३ जनाले, कुवेतका लागि १०३ जनाले, ओमानका लागि १०६ जनाले र मलेसिया जान १०३ जनाले श्रम स्वीकृति लिएका छन् ।
