मकवानपुरमा आज थप ७९ जनामा कोरोना संक्रमण पुष्टि, स्वाब दिएका मध्य ५५ प्रतिशतमा संक्रमण
हेटौंडा । मकवानपुरमा आज थप ७९ जनामा कोरोना भाइरस संक्रमण पुष्टि भएको छ । आज हेटौंडाको प्रयोगशालामा गरिएको परिक्षणका क्रममा मकवानपुरको हेटौंडा उपमानगरपालिका, मकवानपुरगढी गाउँपालिका र बकैयामागरी ७९ जनामा कोरोना संक्रमण पुष्टि भएको हो ।
एक सय ५३ जनाको कोरोना परिक्षण गरिएका मध्यमा ५५ प्रतिशत अर्थात ७९ जनामा कोरोना पुष्टि भएको उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो ।
पुष्टि हुनेमा हेटौंडा उपमहानगरपालिकाको ७६ जना, मकवानपुरगढी गाउँपालिका २ जना र बकैया गाउँपालिका एक जना, जिल्ला बाहिरका ३ जना पुरुष गरी ७९ जना रहेका छन् । बुधबार बिहान रिपोर्ट अनुसार २६ महिला र ५३ पुरुषमा संक्रमण पुष्टी भएको छ । असोज २५ गते संकलन गरिएको स्वाबको हेटौँडामा रहेको किटजन्य रोग तथा तालिम केन्द्रमा गरिएको परीक्षणमा ७९ जनामा कोरोना पुष्टि भएको जनाईएको छ।
यो पनि पढ्नुहोस्
