मकवानपुरमा कोरोना संक्रमितको सख्या १२ सय नाघ्यो, हेटौंडा बजार निस्कदा सावधानी अपनाउन स्थानीय सरकारको आग्रह

जनपत्र
३ आश्विन २०७७, शनिबार १३:५७

हेटौंडा । मकवानपुर जिल्लामा कोरोना भाइरस संक्रमितको सख्या एक हजार २ सय ११ जना पुगेको छ । हिजो मात्र मकवानपुरमा ३० जनामा कोरोना संक्रमण पुष्टि भएसंगै संक्रमितको सख्या १२ सय नाघेको हो । संक्रमण दर पनि निकै बढेको छ । संक्रमित मध्यमा सबै भन्दा धेरै हेटौंडामा देखा परेका छन् ।

स्थानीय प्रशासनले लगाएको निशेधाज्ञा समेत खुलेको र बजारमा धेरै भिड बव्न थालेकाले सावधानी अपनाउनका लागि हेटौंडा उपमहानगरपालिकाका मेयर हरिबहादुर महतले आग्रह गर्नुभएको छ । संघीय सरकारले पनि लामो तथा छोटो दुरीका सवारकिा साधन, होटल, रेस्टुरेन्ट लगायतका बजार क्षेत्र पुरे खुलेकाले अहिलेको तुलनामा अहिले वढी संक्रमण फैलने भएकोले सावधानी अपनाउन मेयर महतले नगरवासीमा आग्रह गर्नुभयो ।

तुलनात्मक रुपमा लकडाउन र निषेधाज्ञा भएको बेलामा भन्दा बजार क्षेत्र पुरै खुलेर भिड वढ्न थालेपछी संक्रमण वढ्ने भएकाले बजार निस्कदा स्वाथ्य सामाग्रीको प्रयोग गर्ने र सामाजिक दुरी कायम गर्नका लागि उहाँले आग्रह गर्नुभयो ।

मकवानपुरमा बिदेशबाट फर्किएकाहरु र यही रहेकाहरुमा कोरोनाको लक्षण देखापरेपछी पीसीआर जाँचको कामलाई तिव्रता दिइएको छ । कुनैपनि क्षेत्रका व्यक्तिमा कोरोनाको संका लागेकाहरुका जाँचको काम भने तिव्र भइरहेको छ ।

पछील्लो समयमा शहर बजार क्षेत्रमा कोरोना संक्रमित धेरै देखिन थालेको र मकवानपुरमा पनि संक्रमितको सख्या एक हजार २ सय ११ जना पुगेको बागमती प्रदेशको सामाजिक बिकास मन्त्रालयका डाक्टर पुरुषोत्तम सेढाईले जानकारी दिनुभयो ।

पहिले कोरोना जाँच गरिएपनि धेरैजसोको रिपोर्ट नेगेटिभ प्राप्त भएपनि अहिले भने पोजेटिभ देखिन थालेको छ । हेटौंडाको मुख्य बजार क्षेत्रका बिभीन्न वडाका टोलटोलमा कोरोना भाइरस संक्रमित देखिएका छन् ।

घना वस्ती भएका क्षेत्र र मुख्य वजार क्षेत्रमा धेरै संक्रमित देखा परेका हुन् । बजारको तुलनामा मकवानपुरका अरु नौ वटा स्थानीय तहमा अत्यन्त कम मात्र संक्रमित देखा परेका छन् ।

यसमा तपाइको मत

Your email address will not be published. Required fields are marked *


*