मकवानपुरमा कोरोना संक्रमितको सख्या ७२० जना पुग्यो, हेटौंडाका टोलटोलमा संक्रमित

जनपत्र
२३ भाद्र २०७७, मंगलवार ०६:०५

हेटौंडा । हेटौंडा उपमहानगरपालिकाका टोल टोलमा कोरोना भाइरस संक्रमणका विरामी देखा पर्न थालेका छन् । मकवानपुर जिल्लाका दश वटा स्थानीय तह मध्यमा हेटौंडामा सबै भन्दा धेरै संक्रमित देखा परेका छन् । बिशेषगरी हेटौंडाको बजार क्षेत्रमा कोरोनाका संक्रमित देखा परेकाले संयमता अपनाउँदै आफ्ना दैनिक काम गर्नका लागि हेटौंडा उपमहानगरपालिकाका मेयर हरिबहादुर महतले आग्रह गर्नु भएको छ । मकवानपुर जिल्लामा कोरोना भाइरस संक्रमण पुष्टि भएकाहरुको सख्या ७ सय २० जना पुगेको छ ।

कोरोना संक्रमितको दर नघटेकाले सामाजिक दुरी कायम गर्दै स्वास्थ्य सामाग्रीको प्रयोग गरेर काम गर्नका लागि मेयर महतले आग्रह गर्नु भएको छ । बिगत ६ महिना देखिको लकडाउन, निषेधआज्ञाले सामान्य जिवनयापन गर्नेहरुलाई थप समस्या परेकाले स्वास्थ्यलाई ख्याल गर्दै काम गर्नुको विकल्प नभएको उहाँले वताउनुभयो । कोरोनाको संका लागेकाहरुका जाँचको काम भने तिव्र भइरहेको छ । पहिले कोरोना जाँच गरिएपनि धेरैजसोको रिपोर्ट नेगेटिभ प्राप्त भएपनि अहिले भने पोजेटिभ देखिन थालेको छ । पीसीआर जाँच गरिएका मध्यमा धेरैमा कोरोना भाइरस संक्रमण देखिने गरेको छ ।

हेटौंडा ४ का टोल टोलमा कोरोना संक्रमित देखा परेका छन् । घना वस्ती भएका क्षेत्र र मुख्य वजार क्षेत्रमा धेरै संक्रमित देखा परेका हुन् । बजारको तुलनामा मकवानपुरका अरु नौ वटा स्थानीय तहमा अत्यन्त कम मात्र संक्रमित देखा परेका छन् । बागमती प्रदेशको सामाजिक विकास मन्त्रालयका डाक्टर पुरुषोत्तम राज सेढाईका अनुसार मकवानपुर जिल्लामा कोरोना संक्रमितको सख्या ७ सय २० जना पुगेको हो ।

दोश्रो चरणमा देखा परेका कोरोना संक्रमित अधिकांश स्थानीय क्षेत्रमानै रहेकाहरु छन् । यस भन्दा पहिले सवैजसो कोरोना संक्रमित बिदेशबाट घर फर्किएकाहरु रहेका थिए। तर, अहिले भने स्थानीय नागरिकमानै कोरोना संक्रमण देखा परेको छ ।

मकवानपुर जिल्लामा स्थायी घर भएकाहरु मात्र परिक्षणको क्रममा ६ सय ३३ जना पुगेका हुन् । यो तथ्याङ्कमा मकवानपुरमा अस्थायी वसोवास गर्ने र कामको शिलशिलामा मकवानपुर रहेकाहरुको तथ्याङक समावेस गरिएको छैन । मकवानपुर स्थायी घर भएका तर, काठमाण्डौ लगायतका जिल्लामा परिक्षण गरेर पोजेटिभ देखिएकाहरुको रिपोर्ट भने समावेस गरिएको सामाजिक विकास मन्त्रालयले जनाएको छ ।

अहिले हेटौंडा उपमहानगरपालिका र स्थानीय गाउँपालिकामा कोरोना संक्रमि धेरै वढेका छन् । यसअघि भने भारत लगायतका बिभीन्न देशबाट नेपाल फर्किएकाहरुमा कोरोना पुष्टि भएको थियो। मकवानपुरका दश वटा स्थानीय तह मध्यमा सबै भन्दा धेरै हेटौंडा उपमहानगरपालिकामा कोरोना संक्रमित देखापरेका छन् । मनहरी गाउँपालिका, थाहा नगरपालिका, भीमफेदी गाउँपालिका, मकवानपुर गढी गाउँपालिकामा कोरोना संक्रमित धेरै देखापर्न थालेका हुन् ।

पछील्लो समय समुदायमा देखिएको कोरोना संक्रमण कहाँबाट कसले सारेको हुनसक्ने भन्नेमा स्वास्थ्यकर्मी पनि अनविज्ञ रहेका छन् । पछील्लो एक सातामा मकवानपुर जिल्लामा संक्रमित धेरै देखिन थालेका हुन् । तर, यसमा सावधानी भने नागरिकले त्यती अपनाएका छैनन् ।

यसमा तपाइको मत

Your email address will not be published. Required fields are marked *


*