दैलेखमा अत्यधिक रक्तस्रावका कारण सुत्केरीकाे ज्यान गयाे, स्थानीय आन्दाेलित

जनपत्र
१३ भाद्र २०७७, शनिबार १९:१९

दैलेख –अत्यधिक रक्तस्राव हुँदा  दैलेखमा एकजना सुत्केरीको ज्यान गएको छ । ठाँटीकाँध गाउँपालिका–१ सिराडीकी २३ वर्षीया पार्वती शाहीको लकान्द्र प्राथमिक स्वास्थ्य केन्द्रमा सामान्य अवस्थामा सुत्केरी गराए पनि लगातार रगत बगेर ज्यान गएको हो ।

रक्तस्राव नरोकिएपछि थप उपचारको लागि प्रदेश अस्पताल सुर्खेत लगिएकोमा अस्पताल पुग्नेवित्तिकै डाक्टरले मृत घोषणा गरेका मृतकका जेठाजु टेकबहादुर शाहीले बताउनुभयो । शिशुको अवस्था भने सामान्य छ ।

प्राथमिक स्वास्थ्य केन्द्रले राम्रो उपचार गर्न नसकेको कारण सुत्केरीको ज्यान गएको भन्दै स्थानीयले ठाँटीकाँध गाउँपालिका र स्वास्थ्य केन्द्रमा तालाबन्दी गरेका छन् । गएको माघमा मजदुरी गर्न भारत जानुभएका मृतक पार्वतीका पति कर्णबहादुर शाही लकडाउनका कारण अहिले भारतको हिमाञ्चल प्रदेश मनालीमा रोकिनुभएको छ ।

यसमा तपाइको मत

Your email address will not be published. Required fields are marked *


*