हेटौंडामा मृत्यु भएका बृद्धमा कोरोना संक्रमण पुष्टि

मृत्यु अघि कोरोना जाँचका लागि स्वाब दिएपनि मृत्युपछी रिपोर्ट प्राप्त हुँदा कोरोना संक्रमण पुष्टि भएको छ ।
जनपत्र
३ भाद्र २०७७, बुधबार १३:०४

हेटौंडा । हेटौंडाका एक बृद्धमा मृत्युपछी कोरोना भाइरस संक्रमण पुष्टि भएको छ । हेटौंडा १ जरुवाटोलमा ६१ वर्षिय बृद्धले अस्ती कोरोना परिक्षणका लागि स्वाब दिनुभएको थियो । तर, गगएराती मृत्यु भएपछी आज प्राप्त कोरोना परिक्षण रिपोर्टमा कोरोना संक्रमण देखिएको छ ।

स्वास्थ्यमा समस्या भएर लामो समयदेखि उपचाररत ६१ वर्षीय वृद्धमा मृत्युपछि आज बिहान हेटौंडास्थित किटजन्य रोग अनुसन्धान तथा तालिम केन्द्रमा रहेको प्रादेशिक कोरोना प्रयोगशालामा गरिएको परीक्षणमा कोरोना सङ्क्रमण पुष्टि भएको हेटौंडा उपमहानगरपालिकाका जनस्वास्थ्य निरीक्षक भोला चौलागाईले जानकारी दिनुभयो । ६१ वर्षिय बृद्ध हेरपटाइटिस, प्रेसर लगायतका रोगबाट यसअघि देखिनै पीडित हुनुहुन्थ्यो ।

सोमबार नै स्वाब नमूना सङ्कलन गरिए पनि गएराती निधन भएपछि मात्रै उहाँको स्वाबको नमूना आज बिहान परीक्षण गरिएको हो । स्वाब नमूनाको चापका कारण तत्काल परीक्षण गर्न सक्ने अवस्था छैन । मृतक वृद्धमा कसरी सङ्क्रमण भयो भन्ने विषयमा आवश्यक जानकारी लिन बाँकी नै रहेको चौलागाईले बताउनुभएको छ ।

यसमा तपाइको मत

Your email address will not be published. Required fields are marked *


*