मकवानपुरको टिष्टुङमा चुनढुंङ्गा खानीमा अवैध उत्खनन्ले पहिरो, एक जना बेपत्ता, चार सवारी पुरीए
हेटौंडा । मकवानपुरको थाहा नगरपालिका वडा नम्बर– १२ अन्तरगत त्रिभुवन राजपथको टिष्टुङ गैरीगाउँमा रहेको चुनढुङ्गा खानीमा पहिरो जाँदा एक जना वेपत्ता भएका छन् । चुनढुङ्गा खानी अवैध रुपले उत्खनन् गरेका कारण पहिरो लडेको र एक जना वेपत्ता समेत भएका हुन् ।
पहिरो जाँदा तीन वटा टिपर र एउटा एक्साभेटर पुरिएको जिल्ला प्रहरी कार्यालय मकवानपुरका प्रहरी उपरिक्षक शुशिलसिंह राठोरले जानकारी दिनुभयो । आज पहिरो पन्छाएर बेपत्ताको खोजी गर्ने र सवारीका साधन झिक्ने काम गरिने उहाँले वताउनुभयो । हिजो साँझ गएको पहिरोमा परी खानीमै कार्यरत एक जना वेपत्ता भएको खवर आएको प्रहरीले जनाएको छ ।
चुनढुङ्गा खानी उत्खनन् गर्दा मापदण्ड पुरा नगरीकन उत्खनन् गरेकाले पहिरो गएको स्थानीय वासिन्दाले वताएका छन् । खानीमा वर्षायामको समयमा उत्खनन् गर्दा पनि तल भित्र सम्म कप्ने र माथीको भाग लडेर पहिरो गएको आसंका गरिएको छ ।
