मकवानपुरको बागमतीमा नग्न अवस्थामा महिलाको शव
हेटौंडा । मकवानपुरको बागमती नदि किनारमा महिलाको सव फेला परेको छ । महिलाको सव देखेपछी स्थानीयले प्रहरीलाई खवर गरेका थिए । जिल्लाको बागमती गाउँपालिका वडा नंम्बर–५ लिला वन स्थित बागमती नदी किनारमा पानीमा डुबेको अवस्थामा अन्दाजि ३०–३५ वर्षीया महिलाको शव फेला परेको जिल्ला प्रहरी कार्यालय मकवानपुरका प्रहरी नायब उपरिक्षक इन्द्रबहादुर रानाले जनाकारी दिनुभयो ।
प्रहरी टोलीले घटनास्थलमा पुगी कानुनी प्रक्रिया पुरा गरि शवलाई परिक्षणको लागि हेटौंडा अस्पताल ल्याएर राखिएको छ । मकवानपुरका प्रहरीका अनुसार उक्त शवको नाम, ठेगाना केही प्राप्त हुन सकेको छैन । महिलाको हुलिया अनुहार चेप्टो, वर्ण गहुँगोरो, मंगोलियन जस्तो देखिने, उचाई ५ फिट ४ ईन्च रहेको छ । उक्त शवबारे विस्तृत अनुसन्धान गरिरहेको प्रहरीले जनाएको छ ।
