काठमाण्डाैमा फैलिएकाे काेराेना सङ्क्रमणले डढेलाेकाे रुप लिन सक्छ : मन्त्री ढकाल
काठमाण्डाै – स्वास्थ्य तथा जनसङ्ख्या मन्त्री भानुभक्त ढकालले काठमाण्डौमा फैलिएको कोरोनाकाे सङ्क्रमण रोक्न सरकार नयाँ रणनीति बनाएर अघि बढ्न लागेको बताउनुभएको छ ।
उहाँले बाहिरी जिल्लाबाट उपत्यकाभित्र आउने व्यक्तिलाई क्वरेण्टीनमा राख्ने, जोर–बिजोर प्रणालीबाट सवारी साधन सञ्चालन गर्न दिने र पीसीआर परीक्षणकाे दायरालाई बढाएर जाने लगायतको काम थालिएको उहाँले बताउनुभयो । काठमाण्डाै उपत्यकामा कुनै पनि बेला भयावह स्थिति आउन सक्ने भएकाले भन्दै सचेत रहन आग्रह गर्नुभयो ।
सरकारले लागू गरेका नियम र मापदण्डलाई पालना नगर्दा फेरि सङ्क्रमणको स्थिति बढ्ने अवस्था देखिएको उहाँले बताउनुभयो । लकडाउन खुकुलो भएपछि मानिसहरुको मुभमेन्ट बढेको र सङ्क्रमण देखिएका ठाउँबाट समेत मानिसहरु काठमाण्डाै आउँदा जोखिम बढेको उहाँकाे भनाइ छ ।
यस्तै सरकारले अहिले सरकारसँग दैनिक १८ हजार पीसीआर परीक्षण गर्ने क्षमता रहेको र कुल ६ लाख जनाको पीसीआर परीक्षण गर्ने लक्ष्यसहित तयारी अवस्थामा रहेको उहाँले बताउनुभयो । पहिलो चरणमा कुल जनसंख्याको दुई प्रतिशतको पीसीआर परीक्षण गर्ने सरकारको तयारी छ ।
