जाँडरक्सी खाए/नखाएको जाँच फेरि सुरु, अस्पताल लगेर परीक्षण गरिने
चैत ११ गतेदेखि सरकारले घोषणा गरेको लकडाउन बुधबारदेखि हटेसँगै सार्वजनिक तथा निजी गाडीमाथि लगाइएको रोक पूर्णरुपमा हटेको छ । सबै प्रकारका गाडी सञ्चानलमा आएपछि ट्राफिक प्रहरीले लेन अनुशासन र जाँडरक्सी खाएरनखाएको जाँच गर्न सुरु गरेको छ ।
यसअघि कोरोना भाइरसको महामारी नियन्त्रणका लागि लकडाउन लागू भएसँगै जाँडरक्सी खाएरनखाएको जाँच रोकिएको थियो । तत्कालका लागि शङ्का लागेका व्यक्तिलाई जाँडरक्सी खाएरनखाएको जाँच गराउन अस्पताल लगिने महानगरीय ट्राफिक प्रहरी महाशाखाका प्रमुख एसएसपी ९वरिष्ठ प्रहरी उपरीक्षक० भीमप्रसाद ढकालले जानकारी दिनुभयो ।
मेडिकल परीक्षणबाट जाँडरक्सी खाएको देखिएमा जरिबानाको लागि चिट काट्ने र कक्षा लिनको लागि भने रेकर्ड राखेर अवस्था सामान्य भएपछि बोलाइने उहाँले जानकारी दिनुभयो । ’चलाउने तरिकालाई हेरी, सर्वसाधारणबाट सूचना लिइ, व्यवहार हेरी, जाँडरक्सी खाएरनखाएको थाहा पाउन सकिन्छ’, उहाँले भन्नुभयो, ’शङ्का लागेमा हामी अस्पताल लगेर जाँच गराउँछौँ । ’ काठमाण्डौ उपत्यकामा रातिको समयमा ३९ ठाँउमा ट्राफिक प्रहरीको ’चेक प्वाइन्ट’ राखिने छ ।
यसअघि एक सय २० दिनको लकडाउन अवधिमा पनि ट्राफिक प्रहरीले जाँडरक्सी खाएर गाडी चलाउने ४४ जनालाई कारबाही गरेको महानगरीय ट्राफिक प्रहरी महाशाखाले जनाएको छ । महाशाखाका अनुसार लकडाउनमा भएका सवारी दुर्घटनाको अनुसन्धानका क्रममा चालकले रक्सी खाएर गाडी चलाएको, पासको दुरुपयोग गरी जाँडरक्सी खाएर समूहमा गाडीमा यात्रा गरेको लगायतका घटनामा ४४ जनालाई कारबाही गरिएको हो ।
यसैबीच लकडाउन खुलेसँगै गाडीको चाप बढेकोले ट्राफिक प्रहरीले अब क्रमैसँग नियमित गाडी जाँच फेरि सुरु गर्ने तयारी गरिरहेको छ । सरकारले सार्वजनिक सवारीमा ५० प्रतिशतमात्र यात्रु राख्न पाउने व्यवस्था गरेको छ भने गाडीमा कोरोना सङ्क्रमणबाट जोगिनको लागि मास्क, स्यानिटाइजरलगायत सुरक्षाका मापदण्डको व्यवस्था हुनुपर्ने जनाएको छ ।
ट्राफिक प्रहरीले अब सडकमा गुडेका गाडीले मापदण्ड पूरा गरेका छन् कि छैन भनेर जाँचमा कडाइ गर्ने महानगरीय ट्राफिक प्रहरी महाशाखा प्रमुख एसएसपी ढकालले बताउनुभयो । उहाँका अनुसार सरकारले तोकेको मापदण्ड र ट्राफिक नियम पालना नगर्नेलाई जरिबाना लाग्नेछ । ट्राफिक प्रहरीले दिने सचेतना कक्षा भने सुरु भएको छैन । उज्यालोबाट
