पूर्व सांसद बर्मन बुढामगरको निधन
रोल्पा – पूर्व सांसद बर्मन बुढामगरको निधन भएको छ ।
वि.सं. १९८७ साउन १७ गते रोल्पाको थबाङमा जन्मिएका उहाँ नेपाली कम्युनिष्ट आन्दोलनका एक आदर्श व्यक्तित्वको रुपमा चिनिनुहुन्छ ।
बुढा २०४८ सालमा रोल्पाको क्षेत्र नं. १ बाट तत्कालिन जनमोर्चाको तर्फबाट सांसदमा निर्वाचित हुनुभएको थियो ।
त्यसअघि उहाँ थबाङको मुखिया, प्रधानपञ्चसमेत हुनुहुन्थ्यो । उहाँ केही समयदेखि पेटको क्यान्सरबाट पीडित हुनुहुन्थ्यो ।
उहाँको आजै पशुपति आर्यघाटमा अन्त्येष्टि गरिने परिवारले जनाएका छन् ।
