हेटौंडाका विपन्न, जेष्ठ तथा असक्त बृद्धबृद्धालाई सहायक सामाग्री वितरण
हेटौंडा । हेटौंडाका १९ वटै वडाका असक्त, असहाय, विपन्न तथा जेष्ठ नागरिकलाई सहायक सामाग्रि वितरण गरिएको छ । उपमहानगरपालिकाका मेयर हरिबहादुर महतको प्रमुख आतिथ्यतामा सबै भन्दा सरुमा आज हेटौंडा २ का असक्तहरुलाई बिभीन्न किसिमका सहायक सामाग्री वितरण गरिएको हो ।
असक्त बृद्धबृद्धाहरुलाई व्लाङकेट, लौरो, गुन्युचोलो, कमिज सुरुवाल लगायतका सामाग्री वितरण गरिएको मेयर महतले वताउनुभयो । हेटौंडाका १९ वटा वडाका ९५ जना बृद्ध, बृद्धाहरुलाई सहायता सामाग्री वितरण गरिने उहाँले वताउनुभयो ।
प्रत्यक वडाबाट पाँच जनाका दरले सिफारिस भएर आएकाहरुलाई वितरण गरिएको उपमहानगरपालिका महिला तथा बालबालिका महासाखाका प्रमुख विष्णु कुमारी लामिछानेले वताउनुभयो । आजै हेटौंडाका वडा नम्बर १, २, ४, ५ र १० नम्बर वडामा सहायता सामाग्री वितरण गरिएको छ । सम्वन्धीत वडाका वडा अध्यक्ष र उपमेयर मिना कुमारी लामाको प्रमुख आतिथ्यतामा सहायता सामाग्री वितरण गरिएको हो ।
