यी हुन् कोरोनामुक्त सात जिल्ला
काठमाण्डाै – नेपालमा सात वटा जिल्ला कोरोनामुक्त भएका छन् । भोजपुर, पाँचथर, धनकुटा, सङ्खुवासभा, रसुवा, मनाङ र मुस्ताङमा सक्रिय सङ्क्रमित नरहेका स्वास्थ्य तथा जनसङ्ख्या मन्त्रालयले जनाएको छ ।
सोमबार नेपालमा एक सय ८६ जनामा काेराेना भाइरसकाे सङ्क्रमण पुष्टि भएकाे छ । मन्त्रालयकाअनुसार नेपालमा अब सङ्क्रमितको सङ्ख्या १७ हजार आठ सय ४४ पुगेको छ ।
सोमबार कोरोनामुक्त भएर एक सय ७३ जना घर फर्किएका छन् । याेसँगै डिस्चार्ज हुनेकाे कुल सङ्ख्या ११ हजार आठ सय ६८ पुगेकाे छ ।
अहिले देशभरका विभिन्न अस्पतालका आइसोलेशनमा पाँच हजार नाै सय ३६ सङ्क्रमितको उपचार भइरहेको छ । त्यस्तै देशभरका क्वरेण्टीनमा रहनेकाे सङ्ख्या २२ हजार दुई सय २८ छ ।
