अझै भेट्टिएनन् मेलम्चीमा बेपत्ता चालक
सुरुङ परीक्षणका क्रममा मेलम्ची खानेपानी आयोजनाको सुरुङको गेट फुटी बेपत्ता भएका सवारी चालक अझैसम्म पनि फेला पर्न सकेको छैन । गएको असार ३० गते सुरुङको गेट निरीक्षणको क्रममा एक्कासि फुट्दा त्यसबाट आएको बाढीले सवारी चालक राधाकृष्ण थापासहित चार जनालाई बगाएका थिए ।
आयोजनाका साइट इन्जिनियर शेखर खनाल र सर्भेक्षण सहयोगी पेम्बा दोर्जे तामाङको उद्धार भएको थियो । घाइते अबस्थामा उद्धार भएका उनीहरुको काठमाडौंमा उपचार भइरहेको छ भने निर्माण व्यवसायीका इन्जिनियर सतिस गोइत र सवारी चालक थापा भने बेपत्ता थिए ।
