ज्वारचनले लिइन् सांसद पदको शपथ
काठमाडौँ — प्रमुख प्रतिपक्षी नेपाली कांग्रेस पार्टीबाट रिक्त रहेको प्रतिनिधिसभा सदस्यमा सुवर्ण ज्वारचनले पद तथा गोपनियताको शपथ लिएकी छन् ।
सभामुख अग्निप्रसाद सापकोटाले आइतबार २ बजे ज्वारचनलाई संसद सचिवालयस्थित कृषि समितिको हलमा पद तथा गोपनीयताको शपथ गराएका हुन् ।
सांसद ज्ञानकुमारी छन्त्यालको निधन भएपछि कांग्रेसकोतर्फबाट समानुपातिक सांसदको एक पद रिक्त थियो । बाग्लुङबाट प्रतितिनिधित्व गर्ने छन्त्यालको असार १७ गते निधन भएको थियो ।
छन्त्यालको निधन भएपछि समानुपातिक सूचीमा उनको पछि नाम रहेकी ज्वारचन सांसद बनेकी हुन् । ज्वारचनको घर गुल्मी हो ।
