केही सडकखण्ड अझै अवरुद्ध
काठमाण्डाै – लगातार ठूलो पानी पर्न कम भए पनि केही सडकखण्ड अझै सञ्चालनमा आउन सकेका छैनन् ।
खग्दोल र खुर्सानीबारी सडकखण्ड १ हप्तादेखि अवरुद्ध भएका हुन् भने खग्दाल सडकअण्ड अस्तिदेखि अवरुद्ध भएको हो । सडक खुलाउने प्रयास भइरहेको सडक विभागले जनाएको छ । यही राजमार्ग अन्तर्गत लामोसाँघु बाह्रबिसे सडकखण्ड भने एकतर्फी रुपमा सञ्चालनमा आएको छ । यस्तै अछामको साँफेबगर–मार्तडी सडक एक हप्तादेखि सञ्चालनमा आएको छैन ।
यो सडकखण्ड सञ्चालनमा आउन अझै २÷३ दिन लाग्न सक्ने विभागले जनाएको छ । यस्तै काठमाण्डौ सिस्नेरी हुँदै हेटौँडा जाने सडकखण्ड र काठमाण्डौ फाखेल हुँदै हेटौँडा जाने सडकखण्ड पनि अझै सञ्चालनमा आउन सकेको छैन । यो सडकखण्ड खुलाउने प्रयास भने भइरहेको प्रहरीले जनाएको छ ।
यो पनि पढ्नुहोस्
