पत्रकार महासंघ प्रदेश उपाध्यक्ष कार्कीका पिताको निधनले दुःख व्यक्त
हेटौंडा । नेपाल पत्रकार महासंघ बागमती प्रदेश उपाध्यक्ष नानीमाया कार्की (सम्झना) का पिताको निधनले नेपाल पत्रकार महासंघ मकवानपुर साखाले दुःख व्यक्त गरेको छ । आज महासंघ मकवानपुर साखाका सचिव गणेश दर्पण अधिकारीले शोक विज्ञप्ती जारी गर्दै हेटौंडा उपमहानगरपालिका–९ निवासी ६६ वर्षीय दीपबहादुर कार्कीको असार २९ गते सोमबार साँझ भएको असामयिक निधनप्रति गहिरो समवेदना व्यक्त गरेको हो ।
सोलुखुम्बुमा जन्म भै लामो समयदेखि हेटौंडामा स्थायी बसोबास गर्दै आउनुभएका वहाँ घाँटीको क्यान्सरबाट पीडित रहनुभएको थियो । भरतपुर क्यान्सर अस्पतालमा उपचार गराइरहनुभएका कार्कीको निवासमै निधन भएको हो । शोकको यस दुःखद्घडीमा दिवंगत आत्माप्रति गहिरो श्रद्धाञ्जली व्यक्त गर्दै चीर शान्तिको कामना महासंघ मकवानपुर साखाले गरेको छ । शोकसन्तप्त परिवारजनामा हार्दिक समवेदना समेत महासंघले व्यक्त गरेको छ ।
