मकवानपुरको थाहानगरका थप एक जनामा कोरोना संक्रमण पुष्टि
हेटौंडा । मकवानपुरको थाहा नगरपालिका वडा नम्बर ७ का एक जना पुरुषमा कोरोना संक्रमण पुष्टि भएको छ । साउदी अरवबाट केही दिन अघि मात्र घर फर्किएका ३९ वर्षिय पुरुषमा कोरोना संक्रमण पुष्टि भएको हेटौंडाको कर्रामा रहेको आइसोलेसनका इन्चार्ज तथा जनस्वास्थ्य निरिक्षक भोला चौलागाईले जानकारी दिनुभयो ।
कोरोना पुष्टि भएका पुरुषलाई अहिले आइसोलेसनमा राखिएको छ । उनमा कोरोना देखिएपछी उनीसंगै आएका अरुको पनि खोजी कार्य भइरहेको छ । मकवानपुर जिल्लामा कोरोना संक्रमण देखिएकामा सवै भन्दा वढी थाहा नगरपालिका क्षेत्रका कोरोना संक्रमित रहेका छन् ।
