अस्ट्रेलियाले भिक्टोरिया – साउथ वेल्सको सिमाना बन्द गर्ने
कोरोनाको सङ्क्रमण बढ्दै जाँदा अस्ट्रेलियाले धेरै जनसङ्ख्या भएका आफ्ना दुई राज्य भिक्क्टोरिया र साउथ वेल्सबीचको सिमाना बन्द गर्न लागेको छ ।
पछिल्लो दुई हप्तामा अस्ट्रेलियामा बढेको कोरोना सङ्क्रमणको ९५ प्रतिशत भिक्टोरियाको राजधानीमा मात्रै भएकाले बुधबारदेखि सिमाना बन्द गर्न लागिएको भिक्टोरियाका प्रिमियर डेनियल एन्ड्र्युजले बताएका छन् ।
तर प्रधानमन्त्री स्कट मोरिसन र एनएसडब्ल्यू प्रिमियर ग्लेडिस ब्रेजेकेलियनसँग पहिले पनि यसबारेमा कुरा गरेकोमा बन्द गर्न आवश्यक नठानेको उहाँको भनाइ छ ।
‘अहिले सिमाना बन्द गर्ने विषयमा सबैले सहमति जनाइसकेको छ’, डेनियल एन्ड्र्युजको भनाइलाई उद्धृत गर्दै बीबीसीले लेखेको छ, ‘कोरोना भाइरस फैलिनबाट रोक्न यो एउटै मात्र पूर्वसावधानीको उपाय हुन सक्छ ।’
