पतन्जली मकवानपुरले मनायो गुरु पुर्णिामा
हेटौंडा । गुरु पुर्णिामाको कार्यक्रम बनदेबी योग साधना केन्द्र नागश्वोतीको सभा हलमा एक भव्य समारोहका बिच सम्पन्न गरेको छ । हेटौंडा उपमहानगर पालिका ७ नम्बर वडा समिति कार्यालयका अध्यक्ष राजन थापा र पतन्जली मकवानपुरका अध्यक्ष राम कृष्ण थापाले संयुक्त रुपमा पानसमा दिप प्रज्वलित गरि कार्यक्रमको उदघाटन गर्नु भएको थियो ।
गुरु बेदब्यास योग ऋषि स्वामी रामदेबजी महाराज आयुर्वेद शिरोमणि आचार्य बालकृष्णजी माहाराज आदरणीय गुरुहरु प्रति पुष्प गुच्छा माला द्वारा सम्मान गर्दै गुरु पुर्णिामाको महत्वको बारेमा चर्चा भएको थियो ।
कार्यक्रममा बागमती प्रदेशका सहप्रभारी कविता थपलिया सल्लाहकार होमराज थपलिया महामन्त्री शकुन्तला सिंह युवा प्रभारी राजु अधिकारी ग्राम प्रभारी रघु आचार्य जिल्ला सदस्य युक्त अनुरागी, ज्ञान प्रसाद चौलागाईं, ऋषि ढकाल , रक्तदान प्रभारी राम प्रसाद दहाल सल्लाहकार बि के महर्जन लगायतकाको उपस्तिथि रहेको थियो । कार्यक्रममा देब यज्ञ र १०८ पटक गायत्री मन्त्र उच्चारण गरिएको थियो । कार्यक्रममा विभिन्न योग सेन्टरका योग साधक साधिकाहरु भव्य सहभागीता रहेको थियो ।
