कास्कीमा पनि भेटियो सलह
कास्की – कास्कीको पोखरामा पनि सलह किरा भटिएको छ । पोखरा महानगरपालिका १७ महतगौँडा क्षेत्रमा सलह किरा भेटिएको पुष्टि भएको पोखरा महानगरपालिका, कृषि महाशाखा प्रमुख मनहर कडरियाले बताउनुभयो ।
‘स्थानीयले बिहान सात/आठ वटा भेटियो भन्नुभयो, त्यसपछि एउटा समाएर हेर्दा सलह नै रहेछ भन्ने हामीले बुझ्यौँ’, उहाँले भन्नुभयो, ‘पोखरामा हुल बाँधेर नै आएको त होइन तर एक–दुई वटा देखिए पनि सजग हुनुपर्ने बेला आएको छ ।’
किसानलाई सलह चिनाएर क्षति न्यूनीकरणको लागि सजग बनाउन महानगर लागिपरेको उहाँले बताउनुभयो । यो बेलामा किसानलाई बाली संरक्षण गर्न पठाउने र हुल नै बाँधेर आएको खण्डमा नियन्त्रणको लागि विषादी छर्कनेलगायतका योजना महानगरले बनाइरहेको उहाँको भनाइ छ ।
खेती बढी हुने ठाँउमा सलह जाने भएकोले ग्रामीण भेगतिरका किसानहरुसँग जानकारी लिइरहेको कडरियाले बताउनुभयो ।
यो पनि पढ्नुहोस्
