गण्डकी प्रदेशमा थप ११ जनामा कोरोना सङ्क्रमण
स्याङ्जा – गण्डकी प्रदेशमा थप ११ जनामा कोरोना सङ्क्रमण पुष्टि भएको छ । गण्डकीका ४ जिल्लामा नयाँ सङ्क्रमित थपिएका हुन् ।
नवलपरासीका सङ्क्रमितलाई आईसोलेशनमा राखिसकिएको र अन्यलाई आईसोलेशनमा लैजाने तयारी भैरहेको गण्डकी प्रदेशका स्वास्थ्य निर्देशक एवं प्रदेश कोरोना नियन्त्रण तथा रोकथाम कार्यक्रमका प्रवक्ता बिनोद बिन्दु शर्माले जानकारी दिनुभयो ।
गण्डकी प्रदेशका कोरोना सङक्रमित ७ सय ५३ मध्ये ९१ जना निको भएर घर फर्किएका छन् । सङ्क्रमित १ जनाको ज्यान गएको छ ।
