मकवानपुरको भीमफेदीमा कार्यरत प्रहरी निरीक्षक राय १२ हजार घुस रकम सहीत पक्राउ
हेटौंडा । मकवानपुरको भीमफेदीमा कार्यरत प्रहरी निरीक्षक राम बालक रायलाई १२ हजार घुस रकम सहीत प्रहरीलेनै पक्राउ गरेको छ । इलाका पहरी कार्यालय भीमफेदीमा कार्यरत प्रहरी निरीक्षक रायलाई बागमती प्रदेश प्रहरी कार्यालय हेटौँडाले घुस रकम सहित पक्राउ गरेको हो ।
आज अपान्ह रायले घुस रकम लिदै गर्दा रंगेहात पक्राउ गरिएको प्रदेश प्रहरी कार्यालय हेटौंडाका प्रहरी नायब महानिरीक्षक बसन्तकुमार लामाले वताउनुभयो । प्रहरीमा शुसासन कायम गराउनका लागि यो कामको सुरुवात गरिएको उहाँले वताउनुभयो ।
धेरै अघिदेखि प्रहरी आचरण विपरित काम गर्दै आएको जनगुनासो प्राप्त भएको र घुस रकम सहित उनलाई पक्राउ गरिएको डिआइजी लामाले वताउनुभयो । रायलाई प्रदेश प्रहरी कार्यालय हेटौंडाको सिफारिसमा प्रहरी प्रधान कार्यालयले निलम्वनको तयारी थालेको छ ।
