बागमती प्रदेशमा २३३ जना कोरोना संक्रमीत, ५० जना डिस्चार्ज
हेटौंडा । बागमती प्रदेशमा हाल सम्म २ सय ३३ जनामा कोरोना भाइरस (कोभिड १९) को संक्रमण देखा परेको छ । संक्रमित मध्यमा धेरैजसो उपचाररत छन् । प्रदेशका बिभीन्न अस्पतालमा कार्यरत स्वास्थ्यकर्मीमा पनि कोरोना भाइरस संक्रमण भएको छ ।
५० जना कोरोना संक्रमित उपचार पछी विभिन्न अस्पतालबाट डिस्चार्ज भएको बागमती प्रदेशको सामाजिक बिकास मन्त्रालयका डाक्टर पुरुषोत्तम सेढाईले जानकारी दिनुभयो । बागमती प्रदेशमा चार जनाको कोरोनाका कारण मृत्यु भएको छ ।
बागमती प्रदेशका १३ जिल्ला मध्यमा सवै भन्दा वढी काठमाण्डौ उपत्यकामा कोरोना संक्रमित भेटिएका छन् । नेपालमा कोरोना संक्रमितको सख्या ६ हजार ५ सय ९१ जना पुग्दा बागमती प्रदेशमा भने २ सय ३३ जना संक्रमित फेला परेका हुन् । संक्रमित धेरैको आइसोलेसनमा उपचार भइरहेको डाक्टर सेढाईले जानकारी दिनुभयो ।
पछील्लो समयमा कोरोना जाँच गर्ने दायरा पनि प्रदेश सरकारले वढाएसंगै कोरोना संक्रमित पनि वढ्दै गएको बागमती प्रदेशको सामाजिक बिकास मन्त्रालयले जनाएको छ । बिशेषगरी विदेशबाट फर्कनेहरुबाट कोरोना भाइरस प्रदेशका विभिन्न जिल्लामा सरेको उहाँले वताउनुभयो ।
