एउटै बसमा आएका २३ जनामध्ये हालसम्म १३ जनामात्रै सम्पर्कमा आएको गण्डकी स्वास्थ्य निर्देशनालय प्रमुख डा विनोदविन्दु शर्माले जानकारी दिएका छन् ।
कोरोना पुष्टि भएको ३ दिनसम्म बाँकी यात्रु सम्पर्कमा नआएपछि प्रतिष्ठानले प्रेस विज्ञप्ति नै जारी गरेर सम्पर्क आउन/ल्याउन आग्रह गरेको छ ।
‘२३ जनामध्ये एक जना गोरखा जाने भनेर आँबुखैरेनीमा झरेका थिए । ३ जना लमजुङ जाने भनेर तनहुँ डुम्रेमा आर्लेको थाहा भयो,’ डा शर्माले अनलाइनखबरसँग भने, ‘२ जना भने पोखराको पुरानो बसपार्कमा ओर्लिनु भएको बस चालकले जानकारी दिएकाछन् ।’
उनले संक्रमितसँग सम्पर्कमा आएकालाई कोरोना सर्ने सम्भावना बढी हुने भएकाले तत्काल नजिकैको स्वास्थ्य संस्थामा सम्पर्क गर्नसमेत आग्रह गरे ।
गण्डकीमा आइतबारसम्म २४ जना कोरोना संक्रमित पुष्टि भएकाछन् । त्यसमध्ये बागलुङका २ जना र लमजुङका एकजना निको भई घर फर्किसकेका छन् ।
